Səhiyyə Nazirliyi Elmi-Tədqiqat Kardiologiya İnstitutu səhiyyə sahəsində əlavə ictimai faydalı fəaliyyətin təşkil edilməsi üçün gənc mütəxəsissləri könüllü olaraq cəlb etməyi davam edir.
Fevral ayı üzrə yeni könüllü qrupu ilə ETKİ-nün direktoru, professor Gülnaz Dadaşova görüş keçirdib.
Professor qeyd edib ki, könüllülər kardiologiya institutunun əməkdaşlarına yardımçı işlərin görülməsində köməklik göstərilməsi ilə yanaşı göstərilən səhiyyə xidmətlərinin səviyyəsinin qiymətləndirilməsi üçün sorğular keçirirlər. Vətəndaş sorğusunun aparılması kardiologiya institutu tərəfindən göstərilən xidmətlərin keyfiyyətinin artırılması və şəffaflığın təmin edilməsində mühüm rol oynayır.