Səhiyyə Nazirliyi Elmi-Tədqiqat Kardiologiya İnstitutunda Elmi Şuranın növbəti iclası keçirilib.
Elmi Şuranın sədri, professor Gülnaz Dadaşova gündəlikdə duran məsələlər ilə şura üzvlərini tanış edib.
Daha sonra doktorant F.Səmədov tibb üzrə fəlsəfə doktoru elmi dərəcəsini almaq üçün “Pulmonar hipertenziyası olan xəstələrin klinik-genetik xüsusiyyətləri, diaqnostikası və müalicə prinsipləri” mövzusunda annotasiya işi, doktorant Z.İmanov tibb üzrə fəlsəfə doktoru elmi dərəcəsini almaq üçün “Koronar arteriyaların vəziyyətinin “Qeyri alkoqol mənşəli qaraciyərin piylənmə xəstəliyi olan/olmayan xəstələrdə müqayisəli qiymətləndirilməsi” mövzusunda annotasiya işinin təsdiqi məsələlərinə baxılıb.
Prof. G.Dadaşova, t.ü.f.d. R.Yusifli müəllifləri olan “Xroniki ürək çatışmazlığı müalicəsində natrium-qlükoza ko-transporteri inhibitorlarının (SGLT2i) istifadəsi” adlı metodik vəsaitin çapa təqdim edilməsi və t.e.d. N.Abdullayev, A.Hacıyevin müəllifləri olduqları «Разработка программы восстановления трудоспособности у больных ишемической болезнью сердца» monoqrafiyanın çapa təqdim edilməsi məsələlərinə baxılıb.
Əldə olunan nəticələr şura üzvlərinə təqdim edilib.